రిసోర్సు పర్సన్లుగా ఉపాధ్యాయులు(CBT పరీక్ష)

రిసోర్సు పర్సన్లుగా ఉపాధ్యాయులు ★ జిల్లాలో ఉపాధ్యాయులకు పలు పోస్టుల్లో పనిచేయటానికి అవకాశం కల్పిస్తూ ఎస్‌సీఈఆర్టీ నోటిఫికేషన్‌ విడుదల. ★ ఉపాధ్యాయ శిక్షణ నేస్తం (టీచర్‌ ఎడ్యుకేటర్స్‌), సాంకేతిక శిక్షణ నేస్తం (డిజిటల్, ఈ-కంటెంట్‌) రిసోర్సు పర్సన్ల నియామకానికి ప్రత్యేక పరీక్ష ద్వారా అర్హులైన ఉపాధ్యాయుల్ని ఎంపిక చేయనున్నారు. ★ ప్రస్తుతం ఎస్జీటీ, పాఠశాల సహాయకులుగా పనిచేస్తున్న ఉపాధ్యాయులకు దరఖాస్తు చేసుకోవటానికి ఈ నెల 11వ తేదీ వరకు అవకాశం. ★ వీరికి ఈ నెల 22న ఆన్‌లైన్లో కంప్యూటర్‌ బేస్డ్‌ టెస్ట్‌ (సీబీటీ) నిర్వహించనున్నారు. ★ ఈ-కంటెంట్‌ రైటర్లు, రిసోర్సు పర్సన్లు, డైట్‌ లెక్చరర్లు, విషయ(సబ్జెక్టు) నిపుణులు, డీసీఈబీ సభ్యులు, ఎస్‌సీఈఆర్టీలో నియామకానికి ఈ ప్రత్యేక పరీక్ష నిర్వహించనున్నారు. ★ పోస్టును బట్టి నిర్దేశిత సిలబస్‌ను రూపొందించారు. ★ ఎస్‌సీఈఆర్టీ ఇటీవల ఉపాధ్యాయులకు శిక్షణ అందించటంపై ఒక సర్వే చేసింది. ★ రాష్ట్ర వ్యాప్తంగా 26 వేల మంది నుంచి సమాచారాన్ని సేకరించి విద్యార్థులకు, ఉపాధ్యాయులకు మధ్య ఉన్న అంతరాన్ని గుర్తించింది. ★ నేషనల్‌ ఎచీవ్‌మెంట్‌ సర్వే (ఎన్‌ఏఎస్‌), స్టేట్‌ లెవెల్‌ ఎచీవ్‌మెంట్‌ సర్వే (ఎస్‌ఎల్‌ఎఎస్‌), సమ్మెటివ్‌ పరీక్షల అంచనా, సమ్మెటివ్‌ ఎస్సెస్‌మెంట్‌ ఎనలెటిక్స్‌ అండ్‌ ఏన్యుయల్‌ స్టేటస్‌ ఆఫ్‌ ఎడ్యుకేషన్‌ రిపోర్టు (ఏఎస్‌ఈఆర్‌) ఆధారంగా ఉపాధ్యాయులకు శిక్షణ అవసరమని నిర్ధరణకు వచ్చింది. ★ ఉపాధ్యాయ శిక్షణ నేస్తం (యూఎస్‌ఎన్‌) కింద ఎస్‌ఆర్పీ, డీఆర్పీలను ఎంపిక చేసి రాష్ట్ర, జిల్లా, మండల స్థాయిలో పనిచేసే విధంగా ఎస్‌సీఈఆర్టీ శిక్షణ ఇవ్వనుంది. ★ వీరిని 8 రకాల రిసోర్సు బృందాలుగా విభజిస్తారు. ఎస్జీటీ, సబ్జెక్టు గ్రూపు, తెలుగు, ఇంగ్లీషు, లెక్కలు, భౌతికశాస్త్రం, జీవశాస్త్రం, సోషల్, హిందీ సబ్జెక్టు నిపుణుల్ని ఎంపిక చేయనున్నారు. ★ సాంకేతిక శిక్షణ నేస్తాలు పాఠ్యప్తుకాల ఆధారంగా ఈ-కంటెంట్, ఈ-పాఠ్య ప్రణాళికను అభివృద్ధి చేయటం, డిజిటల్, వర్చువల్‌ తరగతి గదులు, డిజిటల్‌ విద్య శిక్షణ, కంప్యూటర్‌ లేబొరేటరీలను కచ్చితంగా ఉపయోగించటంలో శిక్షణ ఇస్తారు. ★ ఆసక్తిగల ఉపాధ్యాయులు మూడు పోస్టులకు దరఖాస్తు చేసుకోవచ్చు. అన్ని జిల్లాల్లో సీబీటీ పరీక్ష నిర్వహించనున్నారు. ★ ఉపాధ్యాయులకు హాల్‌ టిక్కెట్లను ఆన్‌లైన్లో పంపనున్నారు. ఉపాధ్యాయులుగా రెండేళ్లు పని చేసిన అనుభవం, ఇంకా కనీసం మూడేళ్ల సర్వీసు ఉన్న వారికి అవకాశం కల్పించనున్నారు. ★ రాష్ట్ర వ్యాప్తంగా 3 వేల పోస్టులకు పరీక్ష నిర్వహిస్తారు. ఎస్‌సీఈఆర్టీలో పనిచేయటానికి జిల్లా నుంచి సీనియర్‌ అధ్యాపకులుగా 7గురు, అధ్యాపకులుగా 13 పోస్టులు ఖాళీగా ఉన్నాయి. అన్ని విభాగాల్లో జిల్లాల వారీగా ఖాళీల వివరాల్ని ప్రకటించారు.