MDM బిల్లుల చెల్లింపు వికేంద్రీకృత విధానం అమలు గురించి.
AP MID DAY MEAL SCHEME
File No.ESE02-27021/74/2019-MDM -CSE. RC.NO.SE.02, dated 26/12/2019 పాఠశాల విద్యాశాఖ-మధ్యాహ్న భోజన పథకం, గుడ్లు,కందిపప్పు, నూనె సంబంధిత బిల్లుల చెల్లింపు వికేంద్రీకృత విధానం డిసెంబర్-2019 నుండి అమలు పరచడం గురించి పాఠశాల విద్యాశాఖ కమీషనర్ వారి తదుపరి ఉత్తర్వులు.
AP MDM Eggs Oil Dal Bills Decentralized Payment from December 2019.
ఆదేశములు
మధ్యాహ్న భోజన పథకానికి సంబంధించిన బిల్లుల కోసం కేంద్రీకృత చెల్లింపు వ్యవస్థను ఏర్పాటు చేయడం జరిగినది . ఏ . పి . సి . ఎఫ్ . ఎస్ . ఎస్ యొక్క సహకారంతో ఈ విధానములో అన్ని బిల్లులు చెల్లింపు జరుగుతున్నది .
వంట ఖర్చు మరియు గౌరవవేతనానికి సంబంధించిన బిల్లుల చెల్లింపు అధికారాలను జిల్లా విద్యాశాఖ అధికారులకు బదలాయించడం జరిగినది . ఈ విధానంలో బిల్లుల చెల్లింపు విజయవంతముగా జరుగుతున్నది .
పై విధానములను నిశితముగా పరిశీలించిన పిదప కోడి గుడ్డు బిల్లుల క్లియరెన్స్ ప్రక్రియను వేగవంతం చేయడానికి , గుడ్ల సరఫరాకు సంబంధించి బిల్లుల చెల్లింపు విధానమును కూడా జిల్లా విద్యాశాఖ అధికారులకు బదలాయించుటకు నిర్ణయించడమైనది .
జిల్లా విద్యాశాఖాధికారులందరికీ తెలిజేయునది ఏమనగా ఎన్ . ఐ . సి సహాయంతో ఎం.డి.ఎం పథకం కోసం ఉద్దేశించిన మొబైల్ యాప్ లో కోడి గుడ్ల సరఫరా , వినియోగం మరియు అవసరాలకు సంబంధించిన డేటా సేకరణ కోసం అవసరమైన మార్పులు చేయడం జరిగినది .
తదనుగుణముగా జిల్లా విద్యాశాఖాధికారులు / మండల విద్యాశాఖాధికారులు / ఉపవిద్యాశాఖాధికారులు / ప్రధానోపాధ్యాయులు ఈ క్రింది చర్యలను వెంటనే అమలు పరచవలసినదిగా ఆదేశించడమైనది.
1. ప్రధానోపాధ్యాయులు యమ్ . డి . యమ్ కోసం ఉద్దేశించిన మొబైల్ అనువర్తనాన్ని వెంటనే అప్లైట్ చేసుకోవాలి . డేటా ఎంట్రీ స్కూల్ యు - డైస్ కోడ్ మరియు ప్రధానోపాధ్యాయులు యొక్క అధీకృత మొబైల్ నంబర్ లో మాత్రమే సాధ్యమవుతుంది .
2 . హాజరు , మధ్యాహ్న భోజనం తీసుకున్న పిల్లలు , కోడి గుడ్ల వినియోగం మొదలైన వాటికి సంబంధించిన మొత్తం డేటా మధ్యాహ్న భోజనం అయిన వెంటనే నమోదు చేయాలి . గుడ్లు అందుకున్న డేటాను సరఫరాదారుల నుండి గుడ్లు అందుకున్న సమయంలో నమోదు చేయాలి
3 . ఆంధ్రప్రదేశ్ సెంటర్ ఫర్ ఫైనాన్షియల్ సిస్టమ్స్ అండ్ సర్వీసెస్ ( ఎపి సిఎఫ్ఎస్ఎస్ ) వారు మధ్యాహ్న భోజన పథకానికి ఉద్దేశించిన మొబైల్ అప్లికేషన్లో హెడ్ మాస్టర్స్ అందించిన డేటా ప్రకారం జిల్లా విద్యాశాఖాధికారి పేరిట బిల్లును తయారు చేస్తారు . అలా తయారు చేసిన బిల్లు ప్రతి నెల 5 వ తేదీలోగా డి . ఇ . ఓకు పంపబడుతుంది .
4 . చైల్డ్ ఇన్ఫో సమాచారం , మరియు యం డి యం ల మధ్య నమోదు గణాంకాలలో తేడా ఉన్న యెడల ప్రధానోపాధ్యాయులు చైల్డ్ - ఇన్ఫోను వెంటనే అప్డేట్ చేసుకోవాలి . తద్వారా పిల్లల సంఖ్య నమోదులో ఎటువంటి తేడాలు లేకుండా నిర్ధారించుకోవాలి .
5 . గుడ్ల సరఫరా , వినియోగం మరియు సరఫరాదారుల ఖాతా వివరాలను డి . ఇ . ఓ ఎప్పటికప్పుడు తనిఖీ చేసి , బిల్లులలోని పొరపాట్లను సరిచేయాలి ( వివిధ కారణాల వల్ల డేటా ఎంట్రీ సాధ్యం కాని పాఠశాలల్లో మాత్రమే ) .
6 . తనిఖీ చేసిన తరువాత , సరిదిద్దబడిన బిల్లులను చెల్లింపు కోసం జిల్లా ఖజానాకు వెంటనే ( ప్రతి నెల 10 వ తేదీకి ముందు ) తప్పకుండా సమర్పించాలి .
7 . బిల్లు మొత్తంలో ఏవైనా మార్పులు ఉంటే , ఆ మేరకు బిల్లును రూపొందించడానికి సమాచారాన్ని కమీషనర్ కు సమర్పించాలి .
8 . ఆధార్ నంబర్ తో అనుసంధానించబడిన సరఫరాదారుల బ్యాంక్ ఖాతా నంబర్లు మాత్రమే చెల్లింపు కోసం సి.ఎఫ్.ఎం.ఎస్ లో నమోదు చేయవలసి ఉంటుంది .
9 . ఉన్న సరఫరాదారుని తొలగించడం / మార్చడం వంటి అసాధారణమైన పరిస్థితులలో తప్ప ఖాతా నంబర్లలో ఎటువంటి మార్పులు చేయరాదు .
10 . ప్రధానోపాధ్యాయులు ప్రతిరోజూ హాజరు వివరాలను మధ్యాహ్న భోజన పథకం కోసం ఉద్దేశించిన మొబైల్ అప్లికేషన్ లో తప్పనిసరిగా సమర్పించాలి . ఏ విధమైన దిద్దుబాట్లు అనుమతించబడవు .
రాష్ట్రంలోని అందరు జిల్లా విద్యాశాఖాధికారులు ఈ సూచనలను అందరు ప్రధానోపాధ్యాయులు మరియు మండల విద్యాశాఖాధికారులు ,ఉపవిద్యాశాఖాధికారులు పాటించే విధముగా తక్షణమే చర్యలు తీసుకోవాలి . బిల్లుల చెల్లింపు కోసం అవసరమైన బడ్జెట్ కేటాయింపు కూడా అందుబాటులో ఉంచడం జరిగినది .
Click Here to download proceedings⬇️
https://drive.google.com/file/d/1AIg4tlpexnW5Oan7f3pwZ9YdUKRdE74S/view?usp=drivesdk
